“Ikaw na bang huling pag-ibig ko
Dapat bang ika’y hanapin at sabihing huwag ka nang lumayo..”
Huling Pag-ibig
Artist: Circa
Isang buwan na ang lumipas mula nang magsimula akong magshare ng mga awiting OPM. Ang saya. 🙂 Mayroon nang 31 OPM songs na maaari mong pagpilian. Astig, puwede nang playlist. 🙂 Sa pagtatapos ng unang buwan, marami akong natutuhan sa pagb-blog at lalo na sa local music industry. Sobrang daming epic na kung ano-ano ang mahahanap mo. Nakatutuwa talaga.
Isang buwan pa lang. Sobrang dami pang magagandang awiting OPM na maaari kong ibahagi sa inyo. Para sa mga susunod na buwan, pinaplano kong mas pagandahin ‘tong blog. Laro-laro lang naman kasi dapat pero nagustuhan ko na ‘yong ginagawa ko. 🙂 Baka puwedeng bukod sa video ay ilagay ko na rin ang lyrics (na isesepra ko mismo para siguraduhing tama, haha). Mas okey kaya ‘yon? Ewan ko, haha.
Basta, hanggang sa susunod pang mga buwan ng musika, buhay kolehiyo, mga pangyayari, kabaliwan, at kung ano-ano pa. Pagkatapos ng Finals Week, mapag-iisipan ko na kung ano talagang gusto kong gawin sa blog na ito. Maraming salamat sa lahat ng bumibisita! 🙂
Kathang Nakatutulala 